اذا شافت صوركم عيني تدمع اذا شافت صوركم

واذا ذكروا اسمكم تفز روحي اذا ذكروا اسمكم

تدمع عيوني لو يسألوني

الناس عنكم مدري شگول

اگولهم نسوني لو ضيعوني

ياخوفي هالغيبة تطول

كل يوم نموت ونحيى على طاري ذكركم

صفت دنيانه ظلمة يا احبابي بعدكم

اذا گلبي نساكم اگص گلبي اذا گلبي نساكم

واريد احضن هواكم انا مشتاكَ اريد احضن هواكم

تنزف دموعي بين ضلوعي

يرجف گلبي ويسأل وين

وين الگاكم غالي هواكم

يمته تحنون وتجون

كل يوم نموت ونحيى على طاري ذكركم

صفت دنيانه ظلمة يا احبابي بعدكم

انه مشتاكَ اضمكم وسط گلبي انا مشتاكَ اضمكم

ويالغربة خذتكم متى تعودون يالغربة خذتكم

والله نحبكم قاسي بعدكم

يمته تذكرونه وتجون

نذرنه عمرنه خَلّص صبرنه

كلشي بشوفتكم يهون

نموت نموت ونحيى على طاري ذكركم

صفت دنيانه ظلمة يا احبابي بعدكم



اغنية صوركم من ألبوم (سنين ومرت ) حاتم العراقي 216

كلمات ضرغام العراقي

الحان عمار العاني

توزيع وليد فايد

انتاج روتانا

http//a.top4top.net/m_132pban1.mp3