كل حال يزول

كل حال يزول... ما تضل الدنيا بفد حال.. تتحول من حال الى حال.. هذا دوام الحال محال .. وكل حال يزول

هذا العالم مليان اسرار..اسرار تحير الافكار.. دولاب الدنيا الدوار..صاعد نازل باستمرار.. وبكل لحظة وبكل مشوار..يقبل ويودع زوار..اصغر كبار..

اطفال يصيرون رجال ..ورجال يصيرون ابطال.. ورجال يضلون اطفال..ورجال انصاف رجال.. وعلى هذا المنوال..تمر الاجيال.. وكل جيل يكول.. هههه كل حال يزول

احنا بهذا العالم خطار..قصرت او طالت الاعمار..وعلى ها المسرح ليل نهار.. دنشوف بعض الاشرار..ديمثلون ادوار ادوار..يرحون وينزل الاستار..يلحقهم عار..

يراوينا غرور الانسان

شي خاضع للاستعمار..تلكه هنا وهنا ثوار..كل واحد ماشي بتيار..ماكو استقرار..

والناس هم منقسمين..بيض وسود ملونين..يمينين ويساريين..غربيين وشرقيين..

مو مرتاحين..ولا منسجمين..وشنكول نكول.. كل حال يزول

سبحان الله الجبار.. خلق الناس اطوار اطوار..منهم تلقاهم اخيار..ما تخرج منهم اضرار.. ومنهم اشرار وفجار..ما يحسبون حساب النار..

وبذيك الدار.. هناك لا ينفع مال .. لا جاه لا مركز عال.. وهناك يتساوى الحال.. وكبير سوى مع الحمال..

بس الاعمال..تبقى رأس مال..

ولازم نقول.. كل حال يزول