اكتشف الجديد دخول
خسران ربحان ما اراجع حساباتي

يا اخي انا مشتري في دنيتي الراحه

اعيش يومي بروحي هايم بذاتي

نفسي عن هموم خلق الله مرتاحه

قلبي خضر لامشى ما عد خطواتي

روحي مع مركب العشاق سواحه

كيف الزمن لو يعايرني بغلطاتي

عندي أستوت كلها افراحه مع اجراحه

انا كذا هذي اطباعي وعاداتي

لو أستر اللي ابي انا عيوني فضاحه

ويعني وش يصير لو اكشف ملفاتي

ناوي انا اصلاً أطربقها على الساحه

الطيب كانت على ايدينه نهاياتي

ازرع وغيري يجي يحصد على الراحه

لا منت اول ولا اخر خساراتي

واللي خسرته وراسك لاخذ ارباحه

وكاني خسرت الغلا باسباب نزواتي

مابي الهوى خذ معك قفله ومفتاحه