حبها جوا القلبين

نادر:الو

شامي:ايوه يا نادر

نادر:ايوه يا احمد

شامي:ازيك؟

نادر:ازيك،عامل ايه؟

شامي:تمام الحمدلله،ايه الاخبار؟

نادر:الحمدلله،انت فين؟

شامي:اناا انا جنب البيت على طوول مروح اهو

نادر:والله

شامي:آه،بقولك ايه شفت امبارح احمد؟

نادر:احمد مين؟

شامي:احمد فهمي...شفته كان مع مين؟

نادر:لأ كان مع مين؟

شامي:يا اخي البنت اللي كانت مع محمد

نادر:لا ياراجل!!

شامي:آه والله

نادر:ده انا لسه شايفهم مع بعض من شويه

شامي:آه..ده انا امبارح شفتها مع احمد واما انت قولتلي حكيتلي

ان هي مع محمد استغربت اوي هم ازاي يعني مايعرفوش و ماشيه معاهم هم الاتنين يعني

نادر:طب وبعدين هنعمل ايه في الموضوع ده..لااازم نعرفهم

شامي:طب ايه نقولهم ولا تفتكر نعمل ايه ولا يكتشفوا لو حدهم

نادر:والله مش عارف

حبها جوا القلبين

مقسوم عالروح والعين

اصحاب حبينها وهي قلبها بيحب اتنين

اشواقهم مالهاش حد

خبوها كتير عن بعض

اتصلحوا قلوبهم لكن قلبها بيفضل مين

انا ليا سنين وانا عايش جوه في قلبها موجود

انما حبك عالهامش ومالوش جواها وجود

لو كانت بتحبك كانت مادرتش الحب وقالت انكوا الاتنين عاشقين

حبها موجود في خيالي وفي عقلي وقلبي وبالي

حبها شيء بالنسبه لي صدقني ماهوش محدود

زي انا ماسمعتك انت مفروض انك تسمعني

كانت حبت قلبك امته وبقالها سنين تعشقني

انا ضحيت ياما عشانها ومسحت كتير احزانها

وسكنت في نبع حنانها

معقول تبقى بتخدعني!!

لو كانت بتحبك كانت مادرتش الحب وقالت انكوا الاتنين عاشقين

واضح انها حبتنا واحنه الاتنين خدعتنها

وفبحر حيرتنه رمتنه عالحال ده بقالها سنين

انا وانت اتنين اصحاب صداقتنه هتكبر فينه

رغم الزمن الكداب صعب نفارق بعضينه

انا وانت هنبعد عنها هنسيبها تعيش وحديها

صداقتنا دي اكبر منها مش علشانها ننهيها