هنا مقص وهنا مقص

هنا عساكر بتترص

هنا بلادنا العربيه

فيها شويه حراميه

فيها الناس مستنيه

تملا الدنيا فرح ورقص

هنا مقص وهنا مقص

هنا عساكر بتترص

هنا الارض تسر القلب

فيها الناس مش كارهه الحب

فيها الناس عايشين فى الغلب

والحكام مش عايزه تحس

هنا مقص وهنا مقص

هنا عساكر بتترص

هنا بلادنا المحروسه

فيها الشمس الشموسه

جوه السجن ومحبوسه

مالقضبان مش قادره تبص

هنا مقص وهنا مقص

هنا عساكر بتترص

هنا امبارح

هنا اول

هنا الماضى وعمناول

لكن امتى نجيب بكره

لكن امتى نقول فكره

تحط بلادنا فى الاول

هنا مقص وهنا مقص

هنا عساكر بتترص

هنا الشارع

هنا الميه

وناس رايحه وناس جايه

وانا قاعد هنا وحزين

حاطط ايدى على عينيا

بانشف دمعى بالاكمام

وابص بعيد هناك قدام

واقول يا مصر فين امتى

هتحققلنا الاحلام

هنا مقص وهنا مقص

هنا الدنيا جايه تبص