وداعك حي ولا تحصي خساير
خطيه ياليتني امحي اثرها
انا ماسقت لفراقك بشاير
ديار الحب قلبك ماعمرها
أبرحل واعتبرني طيف زاير
سبع ليلات لعيونك سهرها
وروح ماترك غير العباير
ودمعات الالم تجرح نضرها
بأمنك العيون ولنت جاير
ثمار العاطفه احفظ ثمرها
حداني ماحدا بحت السراير
وبحت السد ماهمي خطرها
حبيبه قلتها باحساس ثاير
رجل يقنع فتاته ماقدرها
على هالحب اسديت الستاير
تغيب الشمس ماعوض قمرها