منزلك مابين الحنايا والاهداب
وموضعك مني ياحبيبي مكاني
الحب يبقى لك ولو ناظري غاب
يا اغلى وارهف من سكن في كياني
نحيا على مر الزمن ربع واحباب
والله لايحرم زمانك زماني
من كثر ماتهوى وانا اهواك
اعجاب
احتار فيك وصار شوقي اغاني
كل حرف لك في رعشة الليل ينساب
حبر الغلا ياكم يذرف حناني
للحلم مع طيفك مواعيد واسباب
حتى ولو تهيع عيوني ثواني
وصلك مهاجر واللقاء وصلها اغراب
تبقى الضياء في غربتي والاماني
انت بخوفي صاحبي وصل وغياب
لا البعد عنك ولا التلاقي كفاني
لجلك فتحت ابواب وانسدت ابواب
معنى الموده لك عيون المعاني
وتعلم انك صاحبي زدت الاصحاب
واحد ولا في القلب في الروح ثاني
سافرت بك والموج عاتي وهباب
لا ماتحب لا ولا يوم فاني
تبقى لحروفي دايم حضن وكتاب
يابحر موجي هاجسي والمواني
ياكيف اخبي الجرح والجرح ما طاب
ياطب جرحي من جرحي واعاني
اسأل ضميرك خاطرك واحسب حساب
صاحبك اذا مجني ترى الحكم جاني