اكتشف الجديد دخول
كنت ماشى فى يوم جراحى جوه قلبى معلمه
والدموع على خدى نازله وعيني ليها مسلمه
قولت ادعى ربنا رفعت ايدى للسما
اتلاقيتنى فجاه واقف عند باب المحكمه
ناس كتير متجميعين والحيره ماليه وشهم
كلهم مستنين والخوف بيجرى فى قلبهم
قولت ادخل لمااشوفهم وابقى واحد منهم
شوفت قاضى وخلق واقفه والصوت بينده محكمه
شوفت ام ضناها واقف كان قريب منها
الحديد بينه وبينها عايزه تاخده فى حضنها
الدموع ماليين عنيها والقلق باين عليها
قلبها محروق عليه ابنها ضاع منها
فضلت تسرخ تدعى وتبكى ومحدش كده حاسس بيها
وادى اب علشان بناته مد ايده للحرام
النهرده بيشكى حاله مين هيسمعلو كلام
خاف عليهم من الزمان قال يسبهم فى الامان
باع ضميره غصب عنه كل ده فى لاحظة شيطان
وهو دلوقتى بيبكى وخايف من الى هيحصل تانى كمان
شوفت شاب ياناس بيبكى فى القفص لما جبوه كان بيحلم يبقا حاجه كان امل امه وابوه
جم صحاب السوق خدوه وبكلامهم غيروه ناسوه كل عزيز وغالى وفى طريقهم ضيعوه
ولما فى وقت الشده احتاجهم اتخلو عنه وسابوه
وادى واحد فوق كتافه حمل اتقل من الجبال
انتهت ياناس حياته وفى رقابته كوم عيال وصلوه اخر الطريق من يقول انه برئ كلمه واحده القاضى قالها
ضيعتلو كل شئ
مين باه حس بجرحه وناره وهو بدمعه لوحده برئ
شوفت اطفال والبرائه جوه منهم محبوسين
تاهوا فى الدنيا الكبيره وهما لسه صغيريين
سكه واحده الى جبتهم بالدموع ياناس رامتهم مقطوعين
فى الدنيا والشوارع هى بيتهم
ولا فى حضن حنين طيب فكر يوم يمسح دمعيتهم
يالى فاكر انك انتا بس لوحدك فى العزاب
لا تعالى فى ناس كتيره ده انتا ورقه من كتاب
قول يارب وهتلاقيه عيش وخلى اتمنا بيه ده الى شايف
جرح غيره جرحه هو يهون عليه
احمد ربنا مهما ادالك واوعى تقوله يارب ده ليه