حرام يا زازا تزيدي البيّ

وهبتك روحي ونور عينيّ

هوايا إليكي ونارو ليّ

حانّي عليكي خافي عليّ

حرام يا ناس .. حرام يا ناس



ليه يا زازا تزيدي أنيني

جنيتي هدمتي البينك وبيني

أكابد وجدي واداري حنيني

بخفقة قلبي ودمعة عيني

ليه يا ناس .. ليه يا ناس



عرفت الحب وعرفت صعابه

وضقت نعيمه وضقت عذابه

شفتا هناءه وشفت سرابه

تركني صريع وقلبي مصابه

صريع يا ناس .. حرام يا ناس



شاكي صباحي وباكي مسايا

شربت المرّ و شربتو برايا

متين يا زازا تجود دنيايا

ألقي مناي وأنسى أسايا

متين يا ناس .. متين يا ناس



ليالي جميلة كأحلى نغم

يا ريت لو دامت ودهري بسم

لكن يا زازا السعد قسم

ظروفنا أبت زمانّا حكم

حكم يا ناس .. حرام يا ناس