اكتشف الجديد دخول
يا أهلا بالمعارك يا بخت مين يشارك

بنارها نستبارك ونطلع منصورين

ملايين الشعب تدق الكعب تقول كلنا جاهزين

فايت ساعة الصبحية والناس رايحين جايين

خطوتهم فكرتني بأيام 56

راجع في المغربية شوفت عيون الثوار

نظرتهم فكرتني بالظباط الأحرار

شفت اجتماع سياسي كلماته نغم حماسي

ولا فيش على أده كراسي

من كتر ما فيه ملايين

ملايين الشعب تدق الكعب تقول كلنا جاهزين

يا أهلا بالمعارك

في لحظة نطل ويهدى الكل ونسمع فرحانين

عبدالناصر حبيبنا قايم بيننا يخاطبنا

نجاوبوه ويجاوبنا قائد ومجندين

قول ما بدا لك إحنا رجالك ودراعك اليمين قول

عبدالناصر يقول الله اكبر ويوم الازهر في وجداني

ياشعب قمنا لقهر الصعب من تاني

وعود ماعنديش مافيش إلا النضال عندي وشقى ومعارك مريرة كتير كتير يا أخواني

اطلب تلاقي تلاتين مليون فدائي في جميع الميادين قول

عبدالناصر يقول على كل باب في الميثاق مصباح بيهدينا

نشوف جهادنا العظيم على فين مودينا

للأفراح ياناصر وللرفاهية يا ناصر

للأفراح وللرفاهية حانمد طريق عالنيل

اسمه في الإشتراكية التصنيع التقيل

بس نضاعف إنتاجنا أضعاف أضعاف أضعاف

وندبر مهما احتاجنا ونحارب الإسراف

وبقرش الإدخار نتحدى الاستعمار

ونقيم جدار جبار يحمي حياة العاملين

وادي نقطة بنقطة جميع الخطة

وبالله نستعين

يا أهلا بالمعارك يا بخت مين يشارك

بنارها نستبارك ونطلع منصورين

ملايين الشعب تدق الكعب تقول كلنا جاهزين

خطتنا خلاص في إيدنا وخلاص متشمرين

وحزين ياللي تعاندنا بتعاند جبارين

جبل الجرانيت انشق وفبحر النيل انزق

مافي حاجة تقولنا لأ إشحال يوم تحريرنا فلسطين

والتوبة التوبة التوبة نصبر على غدارين

وحياة الدم الغالي وحياة عرق الجبين

توبة ماعاد فيها مجاملة خلاص ولا عاد مالثورة الشاملة مناص

يا إيدينا العاملة ازرعي إخلاص واحصدي والرب يعين

احصدي وانقضي واكشفي وارفضي خاينين وانتهازين

حانشق طريقنا بنور مبادئنا ولنا النصر المبين

يا أهلا بالمعارك يا بخت مين يشارك

بنارها نستبارك ونطلع منصورين

ملايين الشعب تدق الكعب تقول كلنا جاهزين

يابحر الثورة يا هادر خلي هديرك بنظام

من صوت المكن الداير عين العدو مش حاتنام

وانت يا شبابنا اتقدم جه دورك في التاريخ

بإديك لازم تتقدم مصر ف عصر الصواريخ

وشبابنا نهض ياحبايب قال جه دوري مانيش غايب

يسلم لي الشعر الشايب والناس المخلصين

للمخلصين ألف سلام الاشتراكيين الف سلام الحقيقيين لجمال واخوانه يحيى لأوطانه

وانا وانت وهو بخير وسلام ألف سلام ألف سلام الف سلام

وسلام مننا لمنى قلبنا الوحدة الكبرى

ونعيش ونحقق مستقلبنا ونقول كلنا جاهزين

يا أهلا بالمعارك يا بخت مين يشارك

بنارها نستبارك ونطلع منصورين

ملايين الشعب تدق الكعب تقول كلنا جاهزين