شاغل الخط خلي وشاغلني وأنا ميت على صوته حبيبي

ليت لخطوط به لو يشبكني كان داويتبه جرحن عطيبي

مرهف الحس حبه متعبني خذ فوادي وخلاني سليبي

في غرامه مريح ومرضني ولا خلق لي شراتي مصتصيبي

الغلا له جرى والحب مني وأنا منه الشقى أصبح نصيبي

دوم لشواق صوبه يجمعني وليت خلي لشوقي يستجيبي

برق ورعود صدري عذبني ودمع عيني شرى الوبل الصبيبي

والليالي بحبه لا تهني بالهوى ما لقيت اللي يثيبي

يا ربيع الصبا ليش التجني بالمحبة ترى أمرك عجيبي

أنت بعدك على دروبي تثني وان تركتك تنادي وتنتخيبي

ما دريت إن حبك مالكني صرت لي شمس عمرن ما تغيبي

لك وهبت الغلا و حسنت ظني وانت وحدك باهالدنيا وحيدي