روح له

.

روح له.. وبوس رأسه.. قل له البوسة مني

حايله تكفى بسياسة.. كلّمه بشويش عني

قل له ما كان متعمّد.. للخطأ ما كان يقصد

يمكن النار تبرد.. واعتذر منّه بسلاسة..

/

وأنا ما أستغني عنّه.. الله لا يحرمني منّه

دنيتي ويّاه جنة.. هو ذهب عمري وماسه

أنا من غيره حياتي.. ضايع وما أعرف جهاتي

معاه أحلى ذكرياتي.. يا عسى يسلم لي رأسه

/

ودي لو تقعد قباله.. تفهّمه إن حالي حالة

مُنيتي يكون بلحاله.. تكفى ما هو بين ناسه

روح له.. ومزاجه رايق.. وضّح بصدق الحقايق

وإني بالحيل متضايق.. دنيتي هم وتعاسة.