اكتشف الجديد دخول
فتح شبابيك عينيك

حلمك بقى بين ايديك

مش عيب انك تكون

انسان بأي لون

العيب انك تكون

للغير مادد ايديك

ما تقوم يا صاحبي فينك

ابدا ربك يعينك

يرويك عرق جبينك

تاكل من خير ايديك

ده الخير جواك اكيد

و العزم ميلة و يزيد

والإيد تشد إيد

حلمك يجري عليك

لا تقول شكلي و شكلك

ولا مين أهلي و أهلك

مين عاش لنفسه يهلك

بلدك محتجة ليك

حني بالشحم ايدك

عملك يصبح وليدك

ولا غيرك يبقى سيدك

و تزيد القوة فيك

أول ما ..... مكاننا

نحفظ و نصون مكاننا

و الحلم هيبقى جنة

و نكون في الكون شريك