اكتشف الجديد دخول
قلبك ليه تبدل ؟ صد وليه تحول؟

انا طول عمري مخلص يا اخر حب و اول

اخر حب واول



ايه الشفتو مني غير حبي وحنيني؟

وايامي القضيتها من عمري وسنيني

اعبد في جمالك يا ملهم فنوني

وانت خلاص نسيت البينك وبيني

ما بنساك وحاتك يا اخر حب واول



يا بهجة شبابي واملي العشت ليهو

سقيتو بطيف حناني سكبت حياتي فيهو

روحي حولو هايمة تطوف تسكر عليهو

فكري بحبو سارح مشغول ديمة بيهو

قول وحياة شبابك قلبك ليه تبدل

ليه ليه تبدل

قول وحياة عيونك قول وريني مالك

هل انا جوة قلبك وعايش في خيالك؟

وهل انا لسة عندك حبيبك وكل امالك؟

ولا خلاص نسيتني و شاغل ريدي بالك

ما بنساك وحاتك يا اخر حب واول

اخر حب واول

قلبك ليه تبدل؟ ليه تبدل

صد وليه تحول؟

وانا طول عمري مخلص يا اخر حب واول