أنا في التمني ديمه هديلي ساجع

ما لقيت لي مغيث ولا لقيت لي مراجع

داير أشوف حبيبي اليوم داك .. شفته رايق ودمعه ناقع

أسود شعرو حالك .. أما صفاره فاقع

تتلاصف خدودو .. لا حجاب ولا براقع

أشوف لعسو ونواعسو .. جل الباري صانع

أشوف في خدو شخصي .. وفي صدري المضارع

يفر خيت بسمه يشبه .. برقا ً ليلو هاجع

يرفع لي رشاشو .. يسبل نظره واقع

داير أشوفو غافل .. وداير أشوفو جاذع

يتغطى بي سواعدو .. ويحنو كأنه واجع

ويلتجى بى مرافقو .. وأطراف المضاجع

وتتلب فوق شفاههو .. لؤلؤة المدامع

يردد لي نغيما ً .. تشتاق له المسامع

أعاين فيهو وأضحك .. وأجري وأجيهو راجع

أقيس بالليل شعرو .. ألقى الفرق شاسع

أقيس الفم بودعة .. القى الودع واسع

ده ما بيلقاهو زول .. زي الصيده ناجع