حنينات الكلام والبوح اخيات الجنى المدخور

الاقنك بسيماتن شعاع الؤلؤ المنثور

حلاتن جنن حرفي وزارن ليلي دفقة نور

بريدن شان بريدني وريدني فيني ليهو حضور



بشارات الربيع الجاي يحاكن لي جموح الخيل

يلاقنك كما الغزلان تهوش تركز تصد السيل

حلاتن جنن حرفي وشدن فيني باقي الحيل

نسائمن جني من بلدي وصحن روحي هجعة ليل



يضون فينا اشراقات يصحن إلفة الأيام

يلاقنك صباح اخضر يعمنك آمان وسلام

حلاتن جنن حرفي اوصف وين الاقي كلام

عيون زرقة سماء السودان موشح بسحاب وغمام