تعال ومابقالي يوم بغيابك يصبرني

أخاف أموت من شوقي وانت مطول غيابك

تعال وكل شي صار في بعدك يذكرني

دروبك ضحكتك طاريك وريح العطر بثيابك

انا من غبت عن عيني خيالك ما يفارقني

تصدق حالتي صعبة وعمري ضاع بأسبابك

يا اجمل من سكن قلبي عمرني ودمرني

تعال وشوف وشسوى حنين الشوق باحبابك

انا وين ابتعد عنك وعيونك اه تحاصرني

انا وين اهجرك واروح وانا سجني اهدابك

ياكل احساس هالدنيا والله الشوق غيرني

احبك ليش لا تسأل وانا اموت بترابك