من الجنوب قامت اغاني الريده تتوجه شمال
حاضن المدائن والجناين والجبال
تزرع اغاني الوحده فوق ضهر التلال ليك ياشقيق الوادي ياود عمي ياسمح الخصال
القيبلي الشال والنيل حضن رزقوا الجديد رزق الحلال
رزق الازاهر والمزاهر والعيال
النيل قدل والقدلة عال
لابس وشاح اخضر حرير ومعاهو شال
الوادي سال احياء الراجل الفاتوا من سابق سنين واقفين معاي زحموا المجال
وبغنوا تاريخا قديم وزمان وطال
مابينا مابيدخل دخيل ودربنا ماداير سؤال وحدنا اهدافنا الكبار اخوان على درب النضال
يلا يا تاريخ تعال
انحنا ياتاريخ تعال
انحنا الجنوب حضن الشمال
يلا يا تاريخ تعال
ونحنا زي ماقال خليل ياعازه نحنا الفي هواك نحنا الجبال
يلا يا تاريخ تعال
ياعازه للعكر صفاك نحنا النبال
نحنا الفرع نحنا الضرع
نحنا الفرع فوق في السماء
وفوق الارض نحنا الجبال
نحنا الزرع نحنا الفرع فوق السماء وفوق الارض نحنا الجبال
يلا يا تاريخ تعال
تعال تعال ياتاريخ تعال
انت ياتاريخ تعال
نحنا الجنوب حضن الشمال
وتعال تعال يا تاريخ تعال