كلمتا بيك الأمسيات وختمت بيك الأغنيات

جيتك من الماضي البعيد انسان ملان عزة و ولوف غارسك وسط زمني العنيف ورد الأمل حاني و عطوف جملتا بيك عز الظروف و قدرت بعينيك أشوف و ختمت بيك الأغنيات

طوقت بيك جيد الزمن و طرقت أبواب الرحيل و حبست دمعات الوجع في مقلة الفجر الجميل و رجعت لي صخب المدن كان القا ليك في الناس مثيل و ختمت بيك الأغنيات

صدقت زخات المطر و مرقت من زمنك صباح ومشيت مشاويرك معاك حلم الفراشة الكان متاح و وقفت في سكك الزمان فارد شراعي علي الرياح و ختمت بيك الأغنيات

أنسان مطيع أقدارو جات مليان أمل زاهي و جديد أنسان بدون عينيك حزين عايش شقي الأحزان وحيد و طلعت من وسط الرمال أجمل شروق و الدنيا عيد و ختمت بيك الأغنيات