عيش الجمال سيب الزعل

الدنيا حلوة مهما حصل

شيل الهموم وابرا الغموم

لابد يوم لهناك تصل

..

الريد جميل لازمو الصبر

لو كان هواك رحلة عمر

والهم بفوت واحزان تمر

صعب التلال الطعمو مر

..

طرفك عليل دمعك يسيل

كتر الجميل بحي الامل

الدنيا حلوة مهما حصل

..

الفرقة نار والشوق ودار

والبعد حار لي زول بحب

صابر بشيل الريد سماح

لا كلّ ملّ ولا تعب

يطرا الوحيد الراح بعيد

الشال قليبو معاه ورحل

الدنيا حلوة مهما حصل

..

تهوي العذاب والهم معاك

وعيونك اضناها السهر

يوم تهوى زول

وجيهو احلي من القمر

شوف العيون الفيها كون

والسمرا لون زي العسل

والدنيا حلوة مهما حصل

سيب الزعل