الهوا شرقي وقلبي هاوي الشرقيه

في هواها يطرب الخاطر وتشيل احزاني

عن الهوا المحبوب مالي يالعواذل نيه

كيف اصدق في حبيبً خابره يهواني

المحبه ماتتغير في القلوب الحيه

دام صدق الحب فيها والوفاء عنواني

كل عاشق تاخذه لأحبابه الحنيه

لو تغرب عن هوا الخلان والاوطاني

ياحبيبي لك كشفت اسراري المخفيه

مايلام اللي بحبك عاشقً ولهاني

شوقي لك دايم يزيد ان غبت عنك شويه

كان ربي ماخلق غيرك بعيني ثاني

الصراحه قلتها فيك كلمه عفويه

من راضى يرضى ومنها يزعل الزعلاني