انتي مثل ما أنتي على كثر ما مر

أغلى البشر ما حد يسواك عندي

غلاك ما أخفيه وأقولها جهر

يا حلمي الأول وقبلي وبعدي

حروف اسمك في فؤادي لها سر

اسمك عن وصوف الملاح يسدي

يا دهن عودٍ إن ترتب تبعثر

والأول الثالث ترا العود هندي

لكش فوق حد العمر عمرٍ ولي عمر

عندك وأنتي ما بقا العمر خلدي

يا صافياً كالبدر يا عمة البدر

يا نور يا منثور فلٍ ووردي

إذا ظهرتي ساعة شفتها جهر

وأطالع الباب أنتظر إن تردي

كر الليالي والليالي لها كر

ما غيرتني وأنتي أيام سعدي

يا زينة عالبيض والحمر والسمر

ويا شوق ما أحصيه حزر وقدي

كل الليالي شفتها ليلة القدر

من يوم شفتك يا غرامي وشهدي