شرفت يا نيكسون بابا يا بتاع الووترجيت

عملولك قيمة و سيما سلاطين الفول و البيض

فرشولك اوسع سكة من راس التين على مكة

و هناك تنزل على عكة و يقولو عليك حجيت

ماهو كل الداير داير ,,

شي الله يا اصحاب البيت

جواسيسك يوم تشريفك على كيفك نصبولك الزار

يتقطع فية الموس و القارح و المنضار

و الشيخ شمهورش راكب عالفونيا و هات يامواكب

و بواقى الزفة عناكب زاحفين على حسب الصيد , طبعا

واهو كل الداير داير , شى الله يا اصحاب البيت

شرفت يا نيكسون بابا ..........

عزموك و قالوا تعالى تاكل بنبون و هريسة

قمت انت لأنك مهيف صدقت ان احنا فريسة

طبيت لحؤك بالدفة يا عريس الغفلة يا خفه

هات وشك خدلك تفه و بقى اشتم صاحب البيت ,,

شرفت يا نيكسون بابا ..........

خد منى كلام يبقالك ,, و لو انك مش ح تعيش , لا حقول اهلا ولا سهلا و لا تيجى ولا متجيش

بيقولو اللحم المصرى مطرح ما بيسرى بيهرى

ودة من تأثير الكشرى و الفول و السوس ابو زيتشرفت يا نيكسون بابا يا بتاع الووترجيت

عملولك قيمة و سيما سلاطين الفول و البيض

فرشولك اوسع سكة من راس التين على مكة

و هناك تنزل على عكة و يقولو عليك حجيت

ماهو كل الداير داير

شي الله يا اصحاب البيت