اكتشف الجديد دخول
طاف الخميس وموعدي طاف وياه

ورديت تاخذني كثير الهواجيس

مدري غشيمٍ بالهوى لو تناساه

ولا خجول الشوق ترف الأحاسيس

قصة هوانا مثل قيسٍ وليلى

آهٍ وآهٍ من دموعٍ محابيس

خط بعيونه وسط قلبي حلاياه

تعجز تخطه لو بنقش القراطيس

لا جيت ابوصف يعجز الوصف ما اقواه

ماله حشى مقياس ولا له مقايس

يتل قلبي همسةٍ من شفاياه

اضيع الخطوات وامشي عواكيس

من لامني بالزين يالله تبلاه

يهيم ليله فاقدٍ له موانيس

اصبر ومالي عقبهم غير طرياه

ولابد انا وياه يومٍ جواليس