غريب احساسك الحساس حيره الهوا بقلبين
زمانك ولّع اظنونك وغربك بأحاسيسي
أنا يا مس في قلبي مدارس بس لو تدرين
تعالي واجلسي بصفي وخوذي بعض تدريسي
أنا استاذ للعشاق واعلمهم كلا الجنسين
أخبي الجرح في قلبي وافكر فيه برويسي
أنا يا مس ما أغرق بدمعه من دموع العين
أنا بحر اندفن بالصمت أغذي مية الديسي
أنا يا مس ما أقبل خيار(ن) يستغيث اثنين
مثل ما قلتي وشرتي وغربلتي تضاريسي
تراها عيب واكبر عيب بنت(ن) تعشق الشبين
واذا صارت تراها تصير في (لندن) و(باريسي)
صباح الخير لو قلته رجاءاً تفهميها زين
وثاني قالها مثلي وعلى هذا الأمر قيسي
نعم وجه البدر وجهك وصوتك يرجع المقفين
نعم مهيوبة الطلة وجراحة مناعيس ي
ولكن إحري قلبك يسل السيف عالحدين
إذا نادى ليالي الشوق واحتار بوساويسي
بكيتي ادري بلهفه وتقطع قلبي المسكين
عزاز ادموعك وصعبات خليهن محابيسي
كريم(ن) طبعي وأكرم من (الماهر) وجرحي شين
اواجه جارحي وارتاح من غربة