اكتشف الجديد دخول
حكاية ملام

الشاعر الصادق الياس



اخت اللوم على نفسى

و لا اتحسر على عمرى

ولا اكوس مكانى الراح

مع الغائبين فضل يجرى..

اخت اللوم على نفسى

و ارجع اقول انا الغلطان

ما شفنا الندامة تفيد

تفيد زولا رجع ندماان

رجعت اكوس مكانى الفات

لقيت جا عصار غشا البلدات

و عاد كيفن الاحق الفات

و الاحق الريح وقت يجرى..

حكايتى مع الملام طالت

و ديمة اعيدا اتأسف

فاقد محبوب على مكتوب

اقش فى دمعى ما اتجفف

متين يا غيمة ترمى الضل..؟

و افر البسمة زى الكل

تهل البهجة فوقى تطل

و اكون نوال جزيل صبرى

يا ريت اللوم يرجعنى

و يرجع حالى لى حالو

و الم الباقى من عمرى

و اجيب البال من الشالو

و اخت احزانى و اتريّح

اصلو البى ما ريّح

و احش مشوارى من بدرى

و اقول لعمرى ما تجرى..

اخت اللوم على نفسى

و لا اتحسر على عمرى