يعني عدى العيد ولا حتى سألتي

يا عسى تبقين بعدي بألف خير

إيه سامحتك لو إنك جرحتي

وإنتي أدرى ان لي قلب (ن) كبير

شنهو حد القلب لو عنه رحلتي

والعمر تدرين يا عمري قصير

والله إنك داخل أعماقي سكنتي

دوم كنتي روح روحي والمصير

حبي لك ما هو مثل ما قد حسبتي

حبي أكبر من خيالاتك كثير

ما دريتي وش حصل بي يوم غبتي

ظل دمعي بين أطلالك أسير

إنتي عن عشي بعيد .. بعيد طرتي

وصرت مكسور الجناح وما أطير

ولا سمعتي ونة قليبي طربتي

كنتي زادي قبل ما تكوني الغدير

بس أنا شاريك لو بالرخص بعتي

وما أشيل بخاطري مهما يصير

وباقي فيني الخير رغم اللي فعلتي

جيت أقولك كل سنة وإنتي بخير

جيت أقولك .. جيت أقولك .. جيت أقولك كل سنة وإنتي بخير ..