اكتشف الجديد دخول
سر حبي فيك غامض سر حبي ماانكشف

ايش لي خلاني أعشق فيك والعشقه تلف

ايش أوقعني في الشبكة وانا عيني تشوف

لاتعذبني وإلا سرت وتركت المكلا لك إذا مافيك معروف

فوق شاطي البحرحيث اللول يوجد والصَدف

اللقاء قد كان صدفه لا جزى الله الصُدف

عندما سمحت ظروفك لك وسمحت لي الظروف

لاتعذبني وإلا سرت وتركت المكلا لك إذا مافيك معروف

واجهتنا خلف بعد العصر و الحاسد خَلَف

والهوى يجري حوالينا يلف الموج لف

والجبل من فوقنا يشهد و تشهد لي الكهوف

لاتعذبني وإلا سرت وتركت المكلا لك إذا مافيك معروف

كل واحد مننا ماسك من السكه.. طرف

لا هدف لي فيك يظهر لي ولا لك شي هدف

وانتهى المشوار كله ما تلامسنا الكتوف

لاتعذبني وإلا سرت وتركت المكلا لك إذا مافيك معروف

انت تحفه صاغها الرحمن من أحلى التحف

انت في الدنيا قضيه ما تحملها ملف

إنت أغلى اسم في قلبي رباعي الحروف

لاتعذبني وإلا سرت وتركت المكلا لك إذا مافيك معروف

حبك استولى على قلبي وحملني كلف

حبك أحرمني رقاد يما طبق عالعين دف

حب مهما لك وصفته عنه يقصرن الوصوف

لاتعذبني وإلا سرت وتركت المكلا لك إذا مافيك معروف