أصبحت كيف يا أبونا كيف من العنا وهم المسا

إتوضأ قوم صلي الصُبح والدمعة يا أبونا أحبسا

ألحق عصافير الصباح عشان مانتناسى الأسى

شيل الملوت وأمشي الزرع الحال بيتغير عسى

أدينا بس حق الفطور خلاص ماشين المدرسة

يا أبونا شوف رمل الجروف صابر على موج الضفاف

رغم العواصف و الأسى والريح تسوقو مطاف مطاف

صابر على ظلم الزمن يفضل يقاوم في الجفاف

مستني يا أبونا المطر و الخُضرة وأفراح الزفاف

شوف الطيور عند الصباح تفرد جناحاتا وتطير

وترك على قيف البحر تهدي السنابل كل خير

عند الغروب تطرا الديار تطرا السفر رغم المصير