اكتشف الجديد دخول
حرية أراضينا فوق كل الحريات

و حاضرنا و ماضينا فى كتاب المجد آيات

قول يا تاريخ و اشجينا و اترنم بالبطولات

قول للدنيا علينا ؛ دا إحنا و المجد إخوات

أيامنا بطولات .. ليالينا تضحيات

حرية أراضينا فوق كل الحريات

غنى لى يا ليالى ع الماضى اللى صنعناه

و تراب مصر الغالى و النيل اللى عشقناه

و عَلَم مصر العالى و إحنا و ولادنا فداه

و هيفضل طوالى طوالى بإذن الله

فوق كل الرايات ، و النصر يقول سلامات

حرية أراضينا فوق كل الحريات

جيلنا ده جيل الثورة و شبابنا أسود و نسور

ياما خضرنا الصحرا و زرعنا فيها النور

ياما بإيدينا السمرا دوبنا جبال و صخور

ياما بنفوسنا الحرة هَِّدينا عهود و قصور

و كتبنا انتصارات و بنينا مدنيات

حرية أراضينا فوق كل الحريات

فى طريق الاشتراكية اختار الشعب حياة

فاتحتها الحرية و تحياتها المساواة

و الروح العربية كرامتها صيام و صلاة

و العزة المصرية ما تذل لغير الله

و لنكران الذات عمر ما تارنا يبات

حرية أراضينا فوق كل الحريات