معقوله انساك فال الله ولا فالك

ياللي من الشوق بعيوني بشوفونك

لا ياخذك شك لا يطري على بالك

ان المشاعر تغير يوم واخونك

اضحك وسولف وش آخبارك وش آحوالك

نسيت فرحتي لآقول وشلونك

خلك معي واطري اسماعي بموالك

مشتاق اسولف معك مشتاق لفنونك

لا ياخذ له عني التكفير بلحالك

عش لذة الحب لا تسرح مع ظنونك

آمر تدلل يا روحي ويش يحلالك

حبيب قلبي حياتي عمر مضنونك

ناظر عيوني وتلقى صادق امالك

مثل ما اشوف اجمل الاحلام بعيونك

تبقى غرامي وانا احبك وببقالك

حبيبك اللي يحبك حيل ويصونك