على باب المطار ودعته بالتحيه
وفصالة الانتظار عنيه بصت عليه
لقيت فى عينيه سؤال
كان السؤال بيقول
انا معدى الحدود
وبعد سنين هعود
ياهل ترى الأيام هتنسيكى العهود
هتغيب سنه واتنين
او حتى تغيب سنين
الدبله اللى فى ايديا هتحوش عنى العنين
وضميرى واحساساتى هيكونوا معاك يوماتى
لو حتى روحت فين
روح سافر بالسلامة ترجعلى بالسلامة
تلاقينى فى انتظارك مع أجمل ابتسامة
ورفعت ايديا اشاور واودع الاحباب
مع صوت المضيفة بتنادى ع الركاب