عتم ولف الكون سكون بهاك الضيعة المنسية
نام الضو بحضن البيوت مش عم تغفى عيني
ع بيتك مافيي فوت اتأخرتي طلي عليّ
ميت فيكي ومش رح موت ناطر تتموتي فيي
وعدتيني تطلي بهالليل وقلتيلي جاي انطرني
بليل النطرة دقت الويل وبعدو الوعد مسهرني
قلبي عالمفرق مشلوح بلش نور الصبح يلوح
صار الليل بآخر روح ميت عم يشمت فيي
وينك ناطر جن الحب بعيني وما طليتي
صار البيت يحاكي الدرب ويسأل ع خيالك بيتي
وينو خيالك ما بِطِل والليل مسرب تيفل
واترجاه وقلو تيضل ويتأخّر بعد شويه