يا عرب يا عرب فى أى مصر
يا عرب اسمعوا صوت شعب مصر
احفظوا لمصر المكان
واحنا ع العهد اللى كان
مصر أوفى م الزمان
وانتو عارفين شعب مصر
يا عرب يا عرب يا أهل مصر
اللى خانو العهد بنا
واستباحوا كل حاجه
واستهانوا بالعروبه
واستكانوا للخواجه
مستحيل ح يكونوا منا
احنا حاجه وهما حاجه
هما باعوا الجلابيه
والوطن والبندقيه
واحنا اصحاب القضيه
احنا ما بنبعش مصر
يا عرب يا عرب يا اهل مصر
يطلع الدجال بزيفه يملا وادى النيل ضباب
ينزل الجلاد بسيفه يزرع الموت والخراب
يطول الليل زى كيفه
الصباح له الف باب
وأحنا بوصلتنا ف ايدينا
ما تخافوش م اللبل علينا
مهما غبتوا عن عنينا
أنتوا جوا ف قلب مصر
يا عرب يا عرب يا اهل مصر
سينا ولا يافا ولا حيفا ولا دير ياسين
اسالوا الشمس اللى هلا ع صحيوا مبدرين
يزرعوها نور وغلا دول جدودنا ولا مين
حقنا وحتما يعاد
بس لو بانت سعاد
والبيان ده له ميعاد
والميعاد ح يكون فى مصر