اقبل مثل خيزران الروم .. يسوق ساقين مبرومه
بخصره سلس بالذهب محزوم .. وضاقت على اردافه هدومه
كنه دفع للطريق ارسوم .. يا طاه بشويش مالومه
لولا الكعب كان حط ختوم .. بصباع بيضه ومنظومه
يغدي كبير الثقه مهزوم .. من هيبته ساعة اقدومه
ناس كثيره تصير انجوم .. وناس على القاع مرجومه
واللي بنا قصره المحكوم .. هو نفسه اللي بنا روما
وفايق على فايقات الروم .. وابوه فايق على عمومه
والصبح عنده بدال اليوم .. ما حد يصحيه من نومه
الصبح يرقد وعصر يقوم .. دنياه ما عضت ابهومه
والحب ما هو بحب خشوم .. قسمه من والله مقسومه
ما حد خلق مننا معصوم .. الا انبياء الله معصومه