تناسيني بنفس الموعد الي به ذكرتيني

انا ماقدر اعيش الي بقالي من العمر بأوهام

عبس وجه الزمان وزاد لومه لا تلوميني

طغى جور الهوى وانهى سنينِ من صبر واحلام

طلبتك كان الي في داخلك بعض الغلا اجفيه

ترى حر الجفا أهوّن كثير من الوهم لو دام

سلام الله على وقتٍ مضى وماصار به فيني

خبى ضي القمر والشمس ماقد شعشعت من عام

هناك بعيد ويا الشوق غنيني وحبيني

هنا لا تقربي ضاق المكان بزحمة الأقدام

هواي العف يا أسمى القصايد في دواويني

انا لي قلب ما يقوى يضيم ولا يبي ينضام

تخيرت أبتعد والصمت والوحده عناويني

واذا ودك تزوريني تعالي بس في الأحلام