بنفس الكلام ونفس الطريقة بنتقابل للمرة الكام

وكمان تقريباً أسئلته ليا معتادة

أنا عاملة ايه وازيي وأخباري وفيني، مفيش كلمة زيادة

وعلى اللي ما بينا فيه ألف علامة استفهام

ياه مشاهد مكررة وأنا معاه

ياما شوفتها بنفس الترتيب

ولا قلّ ولا زاد حاجة فيها

ياه لا هي فارقة ينساني أو انساه

ولا فارقة اني أكسب ولا اسيب

دي محصلة معاه بعضيها

و آهي دي الحقيقة اللي نفسي نتواجه بيها

بنفس الكلام ولسه احنا في من جوانا حالة استسلام

والغلطة بدل ما نصلحها فيها نتمادى

تيجي ازاي وليه وكأني لما أسأل عنه دي مجرد عادة

وسؤاله عليا واجب لازم يتقضى أوام

ياه مشاهد مكررة وأنا معاه

ياما شوفتها بنفس الترتيب

ولا قلّ ولا زاد حاجة فيها

ياه لا هي فارقة ينساني أو انساه

ولا فارقة اني أكسب ولا اسيب

دي محصلة معاه بعضيها

و آهي دي الحقيقة اللي نفسي نتواجه بيها