طلبتك لا تحاكيني .. عن

احبابك ولا ذكراك ..

ولا ودي تعلمني عن

الماضي ولا أدري

انا ما همني الماضي

ولا ايامه قبل ملقاك

انا عندي بدايتنا

بداية عمرك وعمري

اخيرا جيت يا وجه

قضى عمري وانا استناك

وجيت بصورة فاقت

خيالي وحلمي العذري

حبيبي خلنا نبدا

حكايتنا انا وياك

قبل ما الوقت يسرقنا

ولحظات الهوا تسري

انا ابغى حبنا راقي

يودينا بعيد هناك

لدنيا ما بها فرقا

ولا كذبة ولاغدر

اذا عالوصل

انا اعاهد وربي ما بيوم اجفاك

لا اخجل بالعطا غيري

واجازي صبرك وصبري

انا طمعان بوصالك

وشاري بدنيتي دنياك

وحب بالحب في دنيا

تبيع احساسي او تشري

اذا شاري سنين العمر

يا عمري الهوا يفداك

واذا انك بعت لا تنطق

ابأعرف عندها قدري