اكتشف الجديد دخول
بس ياخاطري ارتاح

ولا تندم على الي راح

لو هو كان مظنونك

مافارق ولا هو راح

يمكن جا على باله

يعيش بدنيته لحاله

ويبعدني عن ظلاله

ويترك لي الم وجراح

يافيصل بس يكفينا

امانه لاتبكينا

دموعك حيل تشقينا

وتنزل في القلوب رماح

اجل ترضون اهو يرحل

ويتركني ولا يسال

وهو في قلبي الأول

في الأحزان والأفراح

عطيته روحي وقلبي

ولاظنيته يغدربي

حسبته سراج في دربي

اذا همي بعيني لاح

يافيصل هذا مو ذنبك

ذنب عيونك وقلبك

اجل لو كان اهو حبك

مافارق ولا هو راح

انا والله ماودي

يذوق المرمن بعدي

ويطفى حلمه الوردي

ويذبل زهره الي فاح

بعد ماكنت انا الغالي

ابد مامر على بالي

يقطع كل آمالي

واعيش بلا سبب سواح

يافيصل خله يتحدى

بكره الشوق بيردى

ويحس ان الهوى ضده

ولا يقوى على الرياح

هنياله معا غيري

حسافه ماوفى طيري

خلف ظني وتقديري

وظيعني وراه وراح