اوعدك يامن عني تخليت لا بد لك في يوم تحزن بعادي

انا على عهدي وصدقي تعاطيت لكنك انت اللي قطعته ودادي

وش غيرك يومي انا بجد هاويك كنت منى قلبي وكنت مرادي

احكي لك بهمسي وبالصوت اداريك خوف اجرح احساسك بليّا اعتمادي

غلطتك انت حرفته مباديك وخذاك مني على التوه وادي

لا اياك ترجع لي وتحكي عذاريك يكفي انك انت اللي اصبحت بادي

اليوم تضحك وبكره يبكيك وقت مع الايام تشكي الوحادي

تعرف قدر منهو يحبك ويغليك مطيع لك مخلص بليّا عنادي

ان كان ربي كاتب لك اراضيك هذا عطى منهو له احنا عبادي

وان كان كاتب لك بالعمر يشقيك النار تارث عقب شعله رمادي

لاعاد تطريني ولا عاد انا اطريك لا مني زادك ولا منك زادي

ماذقتها نار على القلب تكويك حتى تحس بلوعتي وازديادي

في خاطري بالحيل قطعت مساعك كنك علي حلم لفاني برقادي

واليوم مثل الغريب قمت اساويك اجهل لك الكلمه ولو باعتمادي

انت بظلام وظلمته في حشاويك اطفيتها شموع كانت لك وقادي

طبعك تبيع اللي من الناس يشريك اهل القلوب اللي تجدهم مبادي

الله اخذ منك ولكنه معطيك حسن الجمال وصيغته بازديادي

فيك المرض شخصي ولا من يداويك مغرور في علتك زود التمادي

ما ظن احاسبك ولاظن اعاديك عش في هيامك على الجهل غادي

من سوء حظك عاذل شافها فيك قل المروه وجدها وكادي

الومك انت ما الوم ( واشيك ) كيف انك بحب العمر بعت بادي

انسى زماني وانا بنسى ماضيك ذنب اقترفته ترى ماهو عادي