هات يا قلبي عليهن هات هات

يوم شفت السمر جني مجبلات

كاملات الزين هن سيد البنات

عرياتهن يا قلبي سكر مع نبات

ما خذين الحق بشهود وثبات

لو تشوف البيض بالحنى تدوس

فوق كبد اهل الهوى تمشي وتدوس

بس نضره وزاهيات باللبوس

وبالبراقه كنهم طين الصلات

جو كل البيض والسمر احضرن

آوا هني احسين قدامه طرن

كنك ابجنات واغصان اثمرن

طال عمرك وا حلو اقبال البنات

ابتدن البيض ثم صارت تقول

يا امير احسين اسمع ما اقول

واحكم انصاف لا تسير امهبول

وخل حكمك عدل واحكم ثبات

ما تقول ابنا وحنا مسفرين

والسفر احسن من الضلمه يبين

لا نضرت البيض تلقالك جبين

وخدود تاضي كالنجوم الطالعات

السمر يحسين وش تلقا بهم

لا جمال ولا كمال ولا فهم

اشهد ان البيض احسن منهم

البيض كا الامهار ون جن مجبلات

قالت السمرى علامك تغلطين

احنا فتات المسك وحنى المؤنسين

ارياحنا العنبر ومسك ويا سمين

احنا هل القعدات وحنى الغاويات

ولا العذارى البيض من بد الملا

مالقات مابهم نتفت حلا

كم واحد يحسين بالسمر ابتلا

ضحكت البيضى وقالت ذا تمام

وش جاب ليامسلم يا سلام

السمر للبيض صارن خادمات

شفت انا المجلس علينى يب يطول

قلت يا غزلان سمعو ما اقول

كلكم بالزين والله كاملات