كل الطيور بتهاجر وبترجع ارضها
كل القلوب العاشقة مسيرها لبعضها
مصر اللى بتضمنا
نبض الحياه فى دمنا
نوهب عشانها حياتنا لوكنا بنحبها
فى الغربه واحنا بعيد
نشتاق لمين غيرها
نكبر ونعلا لفوق منها ومن خيرها
وعلما من نبتها
شايلين هناك اسمها
وكفاية برة يقولو المصرى ده ابنها
لو كنا بنحبها
طلبة عمال جنود
مش عايزة من شعبها غير قوى وحياة ووعود
عايزة الايدين تعلى
والدين لفوق يصلى
وعيون صاحيه تخلى بالها من ارضها
لو كنا بنحبها لازم نصون حبها
دم وعرق وكفاح يعلى لفوق اسمها
نحلف بْأسم الله الله مانستهلش حياه
غير لما تبقى الجنه موهوبه فى ارضها