يا غالية جيتك للشوق ولهان

ماطيق اشوفك يا حياتي حزينة

من يعترف مسموح لو كان غلطان

وشلون لا صرتي روحه وعينه

لو نختلف نبقى حبايب وخلان

انا رهين الشوق وانتي رهينة

المنتصر في كل لاحوال خسران

مهما يكون الحال بينك وبينه

دنياي ما تسوى وخاطرك زعلان

لاينشغل قلبك ولا تجرحينه

ياغالية قدرك على الراس ماهان

لاعاش منهو يا حياتي يهينه

ياغالية بفرح لوكلي احزان

من اجل عين قال تكرم مدينه

انتي وانا روحين في داخل انسان

انا يسار القلب وانتي يمينه