والله ماكان الفراق اختياري
ولاعمري اخترت الوصال ولقيته
وأنا اعشقك عشق المطر للصحاري
مهما قسى وقتك علي ما جفيته
ماكان بعدي عنك بالبال طاري
اخترت بعدي عنك منك ورضيته
لو كنت داري بس لو كنت داري
ما عطيتلك قلبي وحبك مشيته
لو مل من صبري حنين انتظاري
ما قلت ابيك ولا رجعوك رجيته
أذبلت من طبعك ورود اعتذاري
عطشان ذوق ولطفكم ما ارتويته
ليت الزمن يقدر يرد اعتباري
ويبري لهايب قلبي اللي كويته
روّح مراح الليل والليل ساري
لوكان مهما كان حبك نسيته