قررت انا ابعد عن حياتك واخليك

قررت انا انسى عشرتك كلها جراح

دامك تبيع الحب بنسى لياليك

خل ينفعك هجرك وفي بعدك ارتاح

وش جاني من حبك كثيرة بلاويك

والله قصيرة عشرتك مابها افراح

كم حذروني عن غرامك وماضيك

ماضي سواده بالغدر مابعد راح

لكن بسيطة والليالي تصحيك

وتشوف ماشفته بقربك وتنزاح

ذيك الدروب اللي مشتها خطاوبك

دربك هلاك وعشرتك كلها اشباح

لابوك دامك ناسين حق غاليك

ونور الغدر في داخلك نور وضاح

العام تبكي من حياتك واثاريك

غدار غادر والغدر بالسما لاح

فارق توكل لاتجيني ولا اجيك

ماهمني هجرك وصدك ولا اجراح