شلني من خيالك شلني من حياتك
أنسى حبي وقربي وأنسى ذيج الليالي
أنتهى الحب كله والسبب أنته ذاتك
بس يكفي ياغالي يكفي اللي جرالي
هاتلي ذكرياتي واستلم ذكرياتك
رد قلبي وروحي حتى باقي خيالي
كنت أحبك حقيقة كنت أداري غلاتك
كنت تسوى حياتي بالفعل كنت غالي
غلطتك وانته تدري حطمت أمنياتك
شلت عينك بصبعك وانته تبغي وصالي
راح عنك قطاري لا تلوح عصاتك
كم محطة ومحطة من يمين وشمالي
لاتنادي كفايه فاتك الحب فاتك
لاتحاول رجوعك هذا سابع محالي
شوف لك حد غيري دام هذي صفاتك
ببتعد عن حياتك وهذا آخر مقالي
شلني من خيالك شلني من حياتك
أنسى حبي وقربي وأنسى ذيج الليالي