اكتشف الجديد دخول
كرامة المصرى تسوى عندة كتيير نفسه يرجع كرامته والفساد يطير شهر يناير يوم 25 أعظم تاريخ ثورة مصرية على مر السنين

شباب رفع راس مصر لفوق مش لابس طوق عاوز حقوقة الشرعية و طلبها بكل ذوق

خد لك لفة و لفلف واتفرج فى ميدان التحرير

هاتلقى وشك ابتسم قلبك قرب يطير

شباب فهم معنى الوحدة اتحد عمل تغيير

قيمة المصرى النهاردة بعد الثورة أكبر بكتير

ماتخافيش يا بلادى فى عز المحنة اتحامى فينا احنا ولادك رجالة نحطك فوق روسنا فى عنينا

جدى و جد جدى استشهدوا فيكى بيحموكى

مش ممكن أحفادهم ييجوا فى يوم ينسوكى ويرموكى

واقفين زى الأسود إيد واحدة لأجل يحرروكى

فى منهم اللى استشهدوا و بدمهم فدوكى

شكرا لكل شاب قال رأيه من غير مايخاف

راجل من ضهر راجل خلى العالم بص و شاف

طول ما فى فرقة و فتنة هاتضيع الحقوق

شوف أول ما اتحدنا إيد واحدة بقينا لفوق

مسيحى مسلم مثقف أمى غنى و فقير

لمو كل هتافهم فوق بعض اتحول زئير

حتى لو ماحققناش كل المطالب بردة كسبنا

كفاية أن العالم كله عرف مين احنا

ماهى الرجولة و الأخلاق ماتبانش إلا فى المحنة

كل البيوت بقت بيت واحد و الله فرحنا

كرامة المصرى تسوى عندة كتيير

مش عاوز ذل و ظلم وإهانة عاوز تغيير

بلدة عندة زى عرضة يخاف عليها يغير

نفسه يرجع كرامته والفساد يطير

بيطالب بالتغيير أيوا عاوز تغيير

صابر لكن لو انفجرت هكون سلاح خطير

كرامة المصرى تسوى عندة كتيير

مش عاوز ذل وظلم و إهانة عاوز تغيير

بلدة عندة زى عرضه يخاف عليها يغير

نفسه يرجع كرامته و الفساد يطير

بيطالب بالتغيير أيوا عاوز تغيير

صابر لكن لو انفجرت هكون سلاح خطير

لو نزلت ميدان التحرير هاتلقى دولة صغيرة جوة الدولة

دولة لو حد فيها خبط فيك هايقولك آسف

ولو حد عايز يعدى هايقولك بعد إذنك

ولو حد عايز يشوف بطاقتك هايقولك معلش الحنا مضطرين

بتسمع فيها كتيير كلمة حاسب عشان البنات تعدى

مفيش فيها أى معاكسة أو تحرش

لما المسيحى بيصلى المسلم بيحمى ضهره

ولما المسلم بيصلى المسيحى بيحمى ضهره

يااااااااااااااااااااااااااااااااااااااااااا مصر

هى دى مصر اللى احنا عايزينها