كفى ما جرا لي .. يا غلا منك وجاني

كفاني .. ترى حكم الجفا منك يكفيني

عيوني لكم تاقت .. ورمشي واجفاني

ونار الشقى والشوق .. في القلب تكويني

انا الشوق من جور الجفا .. بان فعياني

وانا الوجد من جود العنا .. عاد مشقيني

حلى الحسن في رمشك على الحب وداني

تبعتك ولا ادري وين دربك موديني

سلبت الخفوق وايش تبغى بعد ثاني

ترى الروح في كفك.. وحبك معنيني

تعبت اشتكي منك.. وحبك تبلاني

تعبت اطلب وصالك ولا تبغي تجيني..