يا أمي يا غلا الدنيا وأصدق عاطفة في الكون . . وأدفى حضن يحضني وأكبر قلب يحويني . . أنا بج دنيتي جنة وبسماتج مطر و مزون . . وضحكاتج ربيع أخضر زهوره فتحت فيني . .
إذا شفتج أرى الدنيا صباح بالفرح مسكون . . وإذا غبتي عن عيوني يغيب النور عن عيني . . عشقتج والهوى طفل/ن ربى في خافقي المفتون . . كبر هذا الطفل وأصبح غرامه يسكن سنيني . .
أنا يا أمي ترى ما أوفيج مهما يكون . . جميلج دين في عمري وربي بج موصيني . . ومهما عشت لج وافي بظل الوافي المديون . . لأنج روح في قلبي ودم/ن في شراييني . .
إلى الله رافع/ن كفي دعاي إنه مرضج يهون . . عسى يشفيج لي ربي يا أمي يانظر عيني . . لأني عايش بدونج وحيد بدنيتي مضهون . . بلا بسمة تعطرني ولا حضن يدفيني . .
% أحبج يمه :) %