ليش انت مبعد عن عيوني ومجفني
يانور عيناً بشوفك كنت احليها
حتى أتصالك وصوتك منقطع عني
وأعد الأيام لين تعود لي فيها
,,,
ان كنت زعلان ياكل الغلا مني
مجبور اراضيك وعيونك اراضيها
وان كان قصدك بهالفرقا تعذبني
ياكيف تتعب حياتي وانت غاليها
,,,
أرجوك طمن شقا نفسي وطمني
اشغلت روح(ن) غيابك عنها يشقيها
تعبت احاتيك وأسألأ عنك ولكني
مالقى جوابا لجل نفسي اهديها

اطلب من الله عسانك دوم متهني
في دارك اللي الهي بك مهنيها
وعساك دايم بقلبي تحسن الظني
وياشمس داري وبدر(ن)في لياليها